Psalm 24 WLC 1לדוד מזמור ליהוה הארץ ומלואה תבל וישבי בה׃ 2כי־הוא על־ימים יסדה ועל־נהרות יכוננה׃ 3מי־יעלה בהר־יהוה ומי־יקום במקום קדשו׃ 4נקי כפים ובר־לבב אשר ׀ לא־נשא לשוא נפשי ולא נשבע למרמה׃ 5ישא ברכה מאת יהוה וצדקה מאלהי ישעו׃ 6זה דור [דרשו כ] (דרשיו ק) מבקשי פניך יעקב סלה׃ 7שאו שערים ׀ ראשיכם והנשאו פתחי עולם ויבוא מלך הכבוד׃ 8מי זה מלך הכבוד יהוה עזוז וגבור יהוה גבור מלחמה׃ 9שאו שערים ׀ ראשיכם ושאו פתחי עולם ויבא מלך הכבוד׃ 10מי הוא זה מלך הכבוד יהוה צבאות הוא מלך הכבוד סלה׃ Hebrew OT: WLC (Consonants Only) For comparative study, where possible, chapter and verse numbers on Biblos.com sites are mapped to the traditional convention used by the KJV, NASB, NIV and others. Bible Hub |
    |